محتاجين أفكارك عشان يوم 25 يناير

محتاجين أفكارك عشان يوم 25 يناير. سجّل أفكارك ومقترحاتك وخواطرك عما تنوي أن تفعل ذلك اليوم لاستمرار الثورة واستكمال تحقيق مطالبها. ما تنوي أن تفعل/ ما تود أن تفعل/ ما تراه يجب أن يحدث. ما ستقوم به فعلا أو ما تود أن ينضم إليك آخرون لتنفيذه. لا تحتاج المساهمة لخلفية تقنية، فقط سجل وأنشر.

اليوم الأول للانتخابات في المنصورة – دائرة أولى دقهلية

ذهبت اليوم لأدلي بصوتي لأول مرة في حياتي أخيراً في الانتخابات البرلمانية. لم أكن فرحاً لأني أعرف أن هذه الانتخابات ليست على مستوى يليق بما يستحقه الشعب المصري، لوكن رؤيتي أن هذه الانتخابات توفر أساساً يمكن من خلاله السعي للتخلص من العسكر.
للمزيد…

نصائح لأوقات التعرض للضرب من الجيش أو الشرطة

اعتداء الجيش المصري على النساء

اعتداء الجيش المصري على النساء

نظرا للوحشية المتعمدة من قبل قوات الأمن سواء كانت مدنية أو عسكرية (شرطة – جيش) فمن الملزم ان تأخذ حذرك حين تقع فريسة في ايدي من لا يرحم !

اولا في المعارك في مصر لازم تعتاد على الكر والفر الكتير اللي احيانا بيكون  زيادة عن اللزوم طبعا وبيكون  في اوقات كتيرة خطر من غير شك.
لما يكون هجوم القوات المواجهة مؤكد اياك أو اياكي تبص ورا ضهرك بص بس أمامك وكل اللي يكون في مخك إنك تقطع اطول مسافة في اقصر زمن مع الحفاظ على الهدوء ومعدل التنفس الطبيعي.
نتيجة للتزاحم أو اي عامل آخر ممكن جدا تلاقي نفسك وقعت على الأرض وفي الحالة دي بكرر اياك تنظر خلفك وحاول جاهدا إنك تقوم بسرعة عشان تنجي نفسك من بطش الباطشين.
في المواجهة الغير متكافئة خلي دايما مبدأك الخروج بأقل الخساير .. بمعنى إنك لو هتهرب وماسك حاجة معطلك يبقى سيبها أو مثلا لو وقعت واضربت يبقى تتفادى الاعتقال.
في حالة السقوط على الأرض اللي بيضربك غالبا مش بيكون  واحد بس .. بالعكس بيكون  طبعا حفلة عليك أو عليكي.
وهنا لازم تكون اولوياتك معروفة يعني اهم جهاز في جسمك في اللحظات دي هي أجهزة الحركة يعني الساقين وعشان كده لازم تتفادى اي كسور أو اي حاجة ممكن تعيق أو تأثر على الحركة ولذلك احمي نفسك من الكسور في الساقين بانك تستقبل الضرب بزاوية و متخليش العصا تنزل عمودية خليك في حركة دايما يعني ترفص وتحاول تستقبل الضرب أو معظمه بفخذك لانها اكبر كتلة عضلية وأكتر مكان ممكن يمتص الصدمات.
وبالنسبة لتاني اهم جهاز أو مكان ممكن يعيق حركتك هو البطن لانك هتتعرض للضرب فيها بالأرجل وفيها اماكن ممكن تعيق الحركة وتسبب مضاعفات زي النزيف الداخلي أو كسر الضلوع وفي أسوء الحالات ممكن تكون السبت تلحق بالرئتين ولذلك لازم أول ماتقع على الارض وتتم محاصرتك تتخذ الوضع الجنيني يعني تحاول تقرب المسافة بين ركبك وراسك وتخبي وشك وايدك على راسك من الجنبين.
في كل الاوضاع ونتيجة للعنف المفرط هتتعرض لإصابة بس الاحسن إنك تخرج بأقل الخساير.
مش محتاج اقولكم طبعا إن راسك تحط ايدك عليها ومتبصش لحد خالص .. ركز بس في انتهز فرصة للهرب عشان ده يساعدك في تحمل الضرب مهما كان.
 .. ملحوظة أخيرة : ركز إيه هو سبب نزولك للشارع من البداية ! … >> يعني لو نازل تضرب يبقى خليك خفيف متشيلش حاجة تقيلة !
ولو نازل تغطي احداث وتصور يبقى لازم متبينش ده لان ده هيخليك مستهدف ولو كده خليك بعد عن الصفوف الاولى اوي بحيث توسع مكان للمقاتلين وفي نفس الوقت تشتغل بأريحية وأمان تام.
أكيد مش من أول مرة هيكون ادائك هايل بس هي بتيجي بالتعليم والتمرين والتركيز.
ربنا معانا.

نداء إلى كل مؤيدي قائمة الثورة مستمرة


لو ناوي تصوت لقائمة الثورة مستمرة وشايف إنها أفضل قائمة متاحة ما تكتفيش بإنك تدخل على الصفحة وتعمل لايك، أو انك تصوت لها في استبيان على الانترنت.
فكرة قائمة "الثورة مستمرة" بتقنع ناس كتيرة بس المشكلة اننا مش منتشرين كفاية، واللي شغالين فعليا في الدعاية عدد قليل أوي رغم ان نشطاء كتير متحمسين لها. وكمان معركة التحرير عطلت الشباب لفترة أسبوع كامل، ده غير حالة الحزن اللي عند شباب كتير بسبب استشهاد اتنين من الزملا في التيار المصري وإصابة عدد كبير من الشباب في المعارك.
دي شوية اقتراحات لو عاوز تساعد:
أولا، لو عاوز تشتغل في الحملة بشكل منظم ابعت ايميل على popularalliance@gmail.com ووضح تقدر تعمل ايه (دعاية – دعم مالي – مندوب – الخ) ومكانك فين.

ثانيا، لو مش قادر على الشغل المنظم وعاوز تساهم في الدعاية:
1 – ابعت رسالة لكل التليفونات اللي عندك فيها مثلا: "انتخبوا قائمة الثورة مستمرة – رمز الهرم – قائمة بلا فلول مع الدولة المدنية الديمقراطية والعدالة الاجتماعية وضد حكم العسكر ومع ثوار التحرير".
2 – اطبع مطوية الدعاية من على المدونة http://thawramostamera.com
أو عدي على مقر الحزب المركزي أو اللي في محافظتك وخد بعض المطبوعات والبوسترات. على الأقل بوستر تعلقه تحت عمارتك وكام مطوية تشرح البرنامج لجيرانك.عنوان المقرالمركزي: 71 شارع نوبار – وسط البلد امام عبد الهادي الحلواني01519404143
لو كل واحد فينا غطى شارعه هنغطي مصر كلها.

نقلا عن إلهام عيداروس
http://www.facebook.com/elham.eidarous
1 2 3 4 5 6 7 8 9 10  للأعلى