محمد الجوهري

إنترنت المحمول المتاح في مصر للمستخدم العادي هي حزمة الخمسة ميجابايت مقابل جنيه واحد في اليوم الواحد والميجا الزيادة بخمسة جنيهات. ولكن في فودافون تم تعديل الخطة ل 3 ميجا مقابل جنيه واحد والميجا الزيادة بجنيه. شكرا لست أدري على المعلومة



ومن واقع إستخدامي للخدمة ده أقدر أقول إن بقليل من الحرص وإستخدام الأدوات أو البرامج المناسبة ال 5 ميجا هتكفيك طول اليوم بس أكيد مش هتبقى زي إستخدامك العادي للإنترنت على جهازك الشخصي

لو عايز تعرف إذا كان موبيلك يدعم الإتصال بالإنترنت ولا لأ أو أي خصائص تانية ممكن تكتب تعليق مصحوبا باسم الشركة المصنعة ورقم الموديل وأنا إن شاء الله هجاوب على السؤال

أول درس بالنسبة لموضوعنا هيبقى كيفية تفعيل خدمة الإنترنت في موبيلك

الأول: شركة موبينيل: الإتصال بخدمة العملاء وطلب الإشتراك في خدمة اللايف الخاصة بها
الثاني: شركة إتصالات: وبيكون بإرسال رسالة لرقم 250 مجانا وبيجيلك رسائل الخدمة والمطلوب تنفيذ التعليمات في كل رسالة
الثالث: شركة فودافون: عن طريق طلب الرقم التالي: #4*888* للتعليمات بالغة العربية أو #4*999* للغة الإنجليزية. شكرا لخيال المآتة على هذه الإضافة

الخطوة الثانية: بداية دخولك لعالم إنترنت المحمول وده ليه أدوات أساسية لازم تبقى معاك.
الأداة الأولى وهو المتصفح

يوجد القليل من برامج المتصفح للمحمول (بجانب المتصفح الأساسي السابق تحميله من قبل الشركة) ولكن أكثر متصفح أثبت وجوده هو الأوبرا ميني (Opera Mini)،

لتنزيله أول مرة هتحتاج طبعا إنك تنزله من المتصفح الأساسي إللي موجود وده غالبا بيبقى عن طريق إختيار قائمة

Web

من محمولك على حسب نوعه والذهاب إلى موقع

http://mini.opera.com

وتنزيل آخر إصدار للبرنامج وتنصيبه في الموبيل ونلقاكم مع الحلقة القادمة إن شاء الله

ومش محتاج أقول أي استفسار ممكن تكتبو كتعليقأو ممكن تبعتو إيميل على

technoemedia@gmail.com