عام,  مقال

تكنوإعلام – تعريف ومقدمة

December 30, 2008 /
أهلا بيكم
مش عارف إذا كان حد سبقني في الموضوع ده ولا لأ، بس هي المدونة ده هتبقى أول تجربة تدوينية ليا كمدونة تحاول الربط بين التكنولوجيا وما سمي مؤخرا بالصحافة الشعبية أو ال Citizen Journalism. نقطة إنطلاقي الأساسية هتكون كيفية استخدام المحمول في نقل الخبر من قلب الأحداث، ولو فيه حد عنده أسئلة أو أفكار أو إقتراحات لموضوعات ممكن تثري المدونة هبقى ممنون لأي فكرة من أي حد.
بالنسبة للمحمول هضطر أبقى تقني شوية في الأول لتكوين أساس فهم علمي لعملية تصفح الويب عن طريق المحمول عشان محدش يقع مني في النص.
أول حاجة ممكن أقولها هنا هو شرح لبعض الأمور إللي ممكن تكون ملتبسة للبعض. فيه موبيلات كتير قوي ممكن أستخدمها لتصفح الإنترنت، وتندرج تحت ثلاث مستويات:

أولا: الGPRS
وهنا السرعة تكون مثيلة لسرعة التليفون تقريبا وبيظهر حرف ال G أثناء الإتصال وده في الموبيلات القديمة نسبيا مثل ال نوكيا 6600، حرف ال G يرمز لل GPRS أو الجيل الأول.
ثانيا: ال EDGE
والسرعة تكون من 64 إلى 256 كيلوبت على حسب امكانيات كل برج محمول تقع تحت تغطيته ويظهر حرف ال E أثناء الإتصال. ويطلق على الإتصال بهذه السرعة ال 2G أو الجيل التاني.
ثالثا: ال
وهو ما يطلق عليه الجيل الثالث ويطراوح سرعته من ميجا إلى 7.2 ميجا بت في ثانية
البايت يكون من ثمانية بت والبت هو أصغر وحدة لنقل البيانات وتكون 1 أو 0.
رابعا: ال WiFi
وهو يستخدم خاصية اللاسلكي في الراوتر اللاسلكي العادي وده مش موجود بكثرة لذلك مش هتطرق ليه على الأقل في البدايات لأنه مش مرتبط بصفة مباشرة ببرج المحمول
المدونة هيتم تحديثها كل اسبوع إن شاء الله، والتعليقات مفتوحة لأي إستفسار أو إقتراح ويا ريت أكون أفدتكوا بحاجة.

مدون مصري مخضرم، عضو مجلس الإدارة بالأصوات العالمية، ومدير مشروع لينجوا.

5 Comments

أرحب بكل التعليقات

This site uses Akismet to reduce spam. Learn how your comment data is processed.