الإرهاب باسم أهل الذمة

أهل الذمة. المصطلح المغضوب عليه من قبل البعض في المجتمع المصري بدعوى أنه يميز غير المسلمين تمييزا عنصريا ويجعلهم مواطنين درجة ثانية. (هذا بفرض وجود مصطلح “المواطن” أساسا في الواقع، ولا أعرف أين يطبق هذا المصطلح في مصرنا الحبيبة).
أؤمن أنه قبل أي مناقشة، يجب بقدر الإمكان تعريف الأشياء التي سوف ونناقشها أو نختلف عليها حتي نتجنب وحشا منتشرا بيننا وهو النقاش البيزنطي والدخول في دوائر مغلقة ليس من ورائها أي فائدة. إذن…فمن هم أهل الذمة؟ أهل الذمة هم أهل العهد. عهد بين المسلمين وغيرهم أن يعيشوا بعضهم البعض في سلام. أي أنه سبق حقوقي قبل ظهور القوانين والدساتير بوقت طويل (سبعة قرون قبل الماجنا كارتا البريطانية).
حتى الآن لا يوجد نظريا أي أثر في العنصرية. ولكن عندما نشير إلى أثر مادي وهو الجزية، قد يثور بعض اللغط. كعادة البشر نرى النتائج ونأخذ تصورا حجريا ولا نغيره. فالجزية منظورها مثل الضريبة مقابل حمايتهم من الأعداء (وذلك الزمن كان مزدحما بالحروب) مع وضع شرط يجهله أو يتناساه الكثيرون (عن قصد أحيانا) وهو أن تلغى الجزية في حالة مشاركتهم في الدفاع عن البلاد وهذا الوضع موجود في جميع الدول الإسلامية تقريبا (وجود غير المسلمين في القوات المسلحة). إذن فالآن لا يوجد مبرر شرعي لأخذ الجزية.

نعود إلي نقطة التمييز المعنوي، بأن يكون أهل الذمة مواطنين درجة ثانية. لقد أكد رسول الإسلام أن من آذى ذميا كان خصيمه يوم القيامة (أي بلغتنا: مش وارد على جنة). إذن فالمشكلة في البشر، في التطرف…

التطرف من كل النواحي. فهناك متطرفون من المسلمين وهناك أيضا من غير المسلمين. وهناك من المسلمين ممن يطلقون على أنفسهم معتدلين (بعيدا عن السياسة، أعني هنا علي المستوى الفردي) وهم أس التطرف وأس البلاء. ولهذا موضوع آخر.

15 Responses to الإرهاب باسم أهل الذمة
  1. e-nadaha رد

    السلام عليكم..
    بصراحه طرحك للموضوع هايل..
    و جاوبت على اسئله ممكن تكون بتدور فى تفكير ناس كتير هلكهم الروايات المغلوطه عن اهل الذمه..
    جزاك الله خير..
    عايزين بارت تو بقى:)

  2. IRC President رد

    إن شاء الله
    أخلص بس من موود الإمتحانات

  3. IRC President رد

    آه نسيت، شكرا علي التعليق :)

  4. No Fear رد

    السلام عليكم
    أنا كنت دايما بدخل علي البلوج التاني و مش بشوف ده
    المهم كنت فاكرك غيبة لسبب ما
    المهم بردوا
    كل سنة و انت طيبة هي متأخرة بس معلش
    مش غلطتي
    مش عارف أية مناسبة البوست بتاعك ده بس أنا متفق معه تماما
    و في بعض الأحاديث كمان الناس بتفسرها علي مزاجها
    يعني “المرء علي دين خليله”
    دين هنا تعني الأخلاق مش الدين العقيدة و الله أعلم
    سلام

  5. IRC President رد

    معلش ممكن أعرف حضرتك بتكلم مين بالضبط؟ عشان أنا مش فاهم سيادتك بتشير لي بضمير المؤنث ليه

  6. mano رد

    طبعا الكلام اللى حضرتك كاتبه موضح كل حاجه
    و زى ما قلت طالما دخل اصحاب الديانات الاخرى الجيش يبقى مفيش عليهم جزيه
    يعنى الموضوع منتهى
    اتفق معاك ان اللى بيثيروا كل المشاكل هم المتطرفين

  7. e-nadaha رد

    Aw nas mesh fahma we khalas..
    a7yanan elnas mesh betedy forsa tesma3 elma2sood men point mo3ayana…they jupt into conclusions and screw the idea..
    elmohem elwa3y..elnas 7atefham lama nefahemha..
    p.s.Fenak??!!

  8. IRC President رد

    شكرا مانو على التعليق

    العزيزة نداهة
    هو عشان حالة التغييب أو حالة ال
    depoliticization
    إللي المجتمع المصري مر بيها بعد إنقلاب عبد الناصر والمعتقلات وكده. الناس بقت بتركن على الفكرة وخلاص. ونظام بقة بلاها مناقشة بلا وجع قلب

    روح الإندهاش لازم ترجع مع الوعي

    بي. إس. كان علي إمتحان النهاردة روحت ورجعت في نفس اليوم :)

    بالمناسبة: لسا يوم الأربع منشور في الدستور كلاكم من مفكر قبطي إسمه مجدي خليل عشان حوار أهال الذمة

    Disclaimer:
    أنا مش بحب الإخوان لسبب إن عند 90% منهم ضحالة فكر مش أكثر، وبرده عشان إنهم عمرهم مهيعرفوا يطبقوا شعار الإسلام هو الحل لإن ببساطة الإسلام مجموعة من المبادئ والخطوط الحمراء. وما ينحما فالمسلمين أولي بدنياهم

    http://paradigm-shifters.blogspot.com/2006/12/blog-post.html

  9. IRC President رد

    وما بينهما*

  10. omas رد

    mawdo3 mohem we me7tag mona2sha fel mogtama3 begad be3ed 3an el 7asaseya…!!!

    we yemken kont katabt 7aga 3an el mawdo3 da coz i feel it’s important…!!

    http://littleummah.blogspot.com/2007/01/blog-post_10.html

    regards;

  11. ياسمين رد

    موضوع جديد

    انا متفقة معاك

    والله كلنا سواسية أمام الله بس ماحدش واخد باله

    الرك على الأخلاق والتعامل بين الناس

    احنا فين والجزية فين .. ايه الزمن العجيب دة

  12. IRC President رد

    omas

    شكرا على الزيارة، أنا رديت على الموضوع وآسف عى التأخير لظروف عائلية

  13. IRC President رد

    ياسمين

    بالظبط كده

    وشكرا على تعليقك :)

  14. omas رد

    it’s ok,..thx 4 passing by…!!
    hope it’s not the last visist :)…!

  15. IRC President رد

    omas

    إن شاء الله :)

اترك رداً على No Fear إلغاء الرد